ଆଳସ୍ୟପଣ ନୁହେଁ, ଦିନରେ ନିଦ ଆସିବା ଦେଇଥାଏ ଏହି ୪ ରୋଗର ବଡ଼ ସଙ୍କେତ

ଶୋଇବାକୁ କାହାକୁ ବା ଭଲ ନ ଲାଗେ। ଦିନସାରା ଅଧିକ କାମ କରି ଥକ୍କାପଣ ମେଣ୍ଚାଇବାକୁ ଆମେମାନେ ରାତିରେ ଶୋଇଥାଉ । ଅତି କମରେ ସମସ୍ତେ ୭ରୁ ୮ ଘଣ୍ଟା ଶୋଇଥାନ୍ତି। କିନ୍ତୁ ଅଧିକାଂଶ ଲୋକେ ମଧ୍ୟାହ୍ନ ଭୋଜନ ପରେ ଶୋଇବାର ଅଭ୍ୟାସ ରହିଛି । ମଧ୍ୟାହ୍ନ ଭୋଜନ ପରେ ପ୍ରାୟ ୨ରୁ ୩ ଘଣ୍ଟା ଧରି ଶୋଇଥାନ୍ତି। କିଛି ସମୟ ଶୋଇବାର ଏହି ଅଭ୍ୟାସ ଶରୀର ଏବଂ ମନକୁ ଶକ୍ତି ଦେଇଥାଏ,କିନ୍ତୁ ଅପରାହ୍ନ ଦୁଇଟା ପରେ ଶୋଇବା ଠିକ୍ ନୁହେଁ ।

ଏପରି ସମୟରେ ଅଧିକାଂଶ ଲୋକ ନିଦ୍ରାର କାରଣକୁ ଅଣଦେଖା କରନ୍ତି । ଏବଂ ଏହାକୁ ଅଳସୁଆ,ଦୁର୍ବଳତା କିମ୍ବା ଥକ୍କା ବୋଲି ଭାବନ୍ତି । ଏହାକୁ ଅଣଦେଖା କରିବା ଅତ୍ୟଧିକ ଭୟଙ୍କର ରୋଗକୁ ନିଶ୍ଚିତ ଭାବେ ଡାକିଆଣେ। ଦିନରେ ଶୋଇବା ବା ନିଦ ଆସିବ ଏହି ୪ଟି ଭୟଙ୍କର ରୋଗକୁ ଅଯଥାରେ ଡାକିଆଣେ। ଏହି ଚିହ୍ନଗୁଡିକ ସଠିକ୍ ସମୟରେ ଚିହ୍ନଟ କରିବା ଏବଂ ନିୟନ୍ତ୍ରିତ ହୋଇପାରିବ। ନଚେତ୍ ଏହି ରୋଗ ଆପଣଙ୍କୁ ଅସୁବିଧାରେ ପକାଇପାରେ । ଆସନ୍ତୁ ଜାଣିବା ଏହି ୪ ଟି ରୋଗ କ’ଣ ?

ନାର୍କୋଲେପର୍ସି :

ନାର୍କୋଲେପର୍ସି ହେଉଛି ଏକ ନିଦ୍ରା ବ୍ୟାଧି । ଏଥିରେ,ଦିନର ଯେ କୌଣସି ସମୟରେ ଆପଣଙ୍କୁ ହଠାତ୍ ନିଦ ଆସେ। ଏହା ଏକ ବଂଶାନୁକ୍ରମିକ ରୋଗ ଅଟେ । ଅବଶ୍ୟ,ଏହା ପଛର କାରଣ ମଧ୍ୟ ହରମୋନ୍ ସ୍ତରର ପରିବର୍ତ୍ତନ ଏବଂ ମେନୋପୋଜରେ ସମସ୍ୟା ହୋଇପାରେ। ରୋଗର ଆରମ୍ଭରୁ ଚିକିତ୍ସା କଲେ ଖୁବଶିଘ୍ର ଆପଣ ସୁସ୍ଥ ହୋଇପାରିବେ।

ମାନସିକ ରୋଗର କାରଣ :

ମଧ୍ୟାହ୍ନ ଭୋଜନ ପରେ ଶୋଇବା ମାନସିକ ରୋଗ ହୋଇପାରେ। ଉଦାସୀନତା କିମ୍ବା ଚିନ୍ତା ଯୋଗୁଁ କିଛି ଲୋକ ଦିନରେ ନିଦରେ ଶୁଅନ୍ତି। ଯଦି ଏହା ଆପଣଙ୍କ ସହ ହେଉଛି । ତେବେ, ତୁରନ୍ତ ଡାକ୍ତରଙ୍କ ପରାମର୍ଶ ନିଅନ୍ତୁ ।ଏବଂ ଚିକିତ୍ସା କରନ୍ତୁ ।

ଭିଟାମିନ୍ ବି୧୨’ର ଅଭାବ :

ଭିଟାମିନ୍ ବି୧୨’ରୁ ଆମ ଶରୀରରକୁ ଅନେକ ପୋଷତ କତ୍ତ୍ବ ମିଳିଥାଏ । ଏହା ଆମ ନିଦକୁ ମଧ୍ୟ ସନ୍ତୁଳିତ କରେ । ଶରୀରରେ ଭିଟାମିନ୍ ବି ୧୨’ର ଅଭାବ ହେତୁ ରାତିରେ ଶରୀରରେ ଅସ୍ଥିରତା ଦେଖାଯାଏ । ଏହି କାରଣରୁ, ଦିନରେ ଆମକୁ ନିଦ ଆସିଥାଏ ।

ସ୍ଲିପ୍ ଆପନିଆ :

ସ୍ଲିପ୍ ଆପନିଆ ଏକ ଗୁରୁତର ନିଦ୍ରା ବ୍ୟାଧି । ଏଥିରେ ରାତିରେ ଠିକ୍ ଭାବରେ ନିଦ ଆସି ନ ଥାଏ । ରାତିରେ ନିଦର ଅଭାବ ହେତୁ ଦିନସାରା ଥକ୍ଲାପଣ ରହିଥାଏ, ଯେଉଁ କାରଣରୁ ଦିନରେ ଯେ କୌଣସି ସମୟରେ ନିଦ ମାଡେ ,ଏହା ସମଗ୍ର ସ୍ୱାସ୍ଥ୍ୟ ଉପରେ ପ୍ରଭାବ ପକାଇଥାଏ ।