ଆଶ୍ଚର୍ଯ୍ୟଜନକ ମାମଲା : ମୁଖାଗ୍ନି ପୂର୍ବରୁ ଜିଇଁ ଉଠିଲା ମୃତଦେହ

ନୂଆଦିଲ୍ଲୀ: ଦେଶର ରାଜଧାନୀରେ ଏକ ଆଶ୍ଚର୍ଯ୍ୟଜନକ ମାମଲା ସାମ୍ନାକୁ ଆସିଛି। ବାସ୍ତବରେ, ଏଠାରେ ଜଣେ ବୃଦ୍ଧ ବ୍ୟକ୍ତିଙ୍କୁ ମୃତ ଭାବି ପରିବାର ଲୋକେ ଶେଷକୃତ୍ୟ ପାଇଁ ମଶାଣିକୁ ନେଇ ଯାଇଥିଲେ। କିନ୍ତୁ ଅନ୍ତିମ ସଂସ୍କାର ପୂର୍ବରୁ ମୃତକ ଜିଇଁ ଉଠିଥିଲେ। ବୃଦ୍ଧ ଜଣକଙ୍କ ଚେତା ଆସିବା ପରେ ସେଠାରେ ଉତ୍ତେଜନା ଦେଖାଦେଇଥିଲା।

ସୂଚନା ଯେ, କର୍କଟରେ ଆକ୍ରାନ୍ତ ବୃଦ୍ଧଙ୍କୁ ଦ୍ୱାରକାସ୍ଥିତ ଭେଙ୍କଟେଶ୍ୱର ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଭେଣ୍ଟିଲେଟରର ମୂଲ୍ୟ ଅଧିକ ଥିଲା ତେଣୁ ଡାକ୍ତରଙ୍କ ପରାମର୍ଶ ନକରି ତାଙ୍କ ପରିବାର ବୃଦ୍ଧଙ୍କୁ ଡାକ୍ତରଖାନାରୁ ଡିସଚାର୍ଜ କରିଥିଲେ। ବୃଦ୍ଧଙ୍କୁ ଡାକ୍ତରଖାନାରୁ ଡିସଚାର୍ଜ କରିବା ସମୟରେ ଡାକ୍ତରଖାନା ଡିସଚାର୍ଜ କାଗଜରେ ଲାମା ଲେଖିଥିଲା। ଭେଣ୍ଟିଲେଟରରୁ ବାହାର କରାଯିବା ପରେ ବୃଦ୍ଧ ଜଣକ ନିଶ୍ୱାସ ନେବା ବନ୍ଦ କରିଦେଲେ ଏବଂ ତାଙ୍କ ପରିବାର ସେ ମରିଛନ୍ତି ବୋଲି ଭାବିଥିଲେ। ଏହା ପରେ ବୃଦ୍ଧଙ୍କୁ ଶେଷକୃତ୍ୟ ପାଇଁ ଶଶ୍ମାନକୁ ନିଆଯାଇଥିଲା। କିନ୍ତୁ ଯେତେବେଳେ ମୃତଦେହକୁ ଚିତା ଉପରେ ରଖିବାର ସମୟ ତାଙ୍କର ହୋସ ଆସିଲା ଓ ସେ ନିଶ୍ୱାସ ନେବା ଆରମ୍ଭ କଲେ। ଏହା ଦେଖି ସେଠାରେ ଉପସ୍ଥିତ ଥିବା ଲୋକେ ୧୦୦ ନମ୍ବରରେ ପିସିଆରକୁ କଲ କରିଥିଲେ। ପରେ ଘଟଣାସ୍ଥଳରେ ଆମ୍ବୁଲାନ୍ସ ପହଞ୍ଚି ବୃଦ୍ଧଙ୍କୁ ଡାକ୍ତରଖାନା ନେଇଥିଲା। ଦିଲ୍ଲୀ ପୋଲିସ କହିଛି ଯେ ଏପର୍ଯ୍ୟନ୍ତ ଡାକ୍ତରଖାନାର ଅବହେଳା ସାମ୍ନାକୁ ଆସିନାହିଁ। ଡାକ୍ତରଖାନା କୌଣସି ଏମଏଲସି କରିନଥିଲା। ମାମଲାର ତଦନ୍ତ ଚାଲିଛି।