କେନ୍ଦ୍ରମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କ ମିଟିଂ ସମୟରେ ଶୋଇପଡ଼ିଥିଲେ ଅଧିକାରୀ, ଆଖିପିଛୁଳାକେ ଚାଲିଗଲା ଚାକିରି

ନୂଆଦିଲ୍ଲୀ : ଟେଲିକମ୍ ବୈଠକରୁ ଏକ ଅଜବ ଘଟଣା ସାମ୍ନାକୁ ଆସିଛି । କେନ୍ଦ୍ର ଟେଲିକମ୍ ମନ୍ତ୍ରୀ ଅଶ୍ୱିନୀ ବୈଷ୍ଣବ ଏକ ଗୁରୁତ୍ୱପୂର୍ଣ୍ଣ ବୈଠକ କରୁଥିବା ସମୟରେ ଜଣେ ସିଜିଏମ୍ ଶୋଇଥିବାର ଦେଖି କ୍ରୋଧିତ ହୋଇ ଯାଇଥିଲେ । ସେ ସଙ୍ଗେ ସଙ୍ଗେ ତାଙ୍କୁ ରୁମରୁ ବାହାରିଯିବାକୁ କହିଥିଲେ । ଏହା ପରେ ତାଙ୍କୁ ସ୍ୱେଚ୍ଛାକୃତ ଅବସର ନେବାକୁ କୁହାଯାଇଥିଲା । କହିରଖୁଛୁ ଯେ ଅଧିକାରୀ ଜଣକ ଏହି ବୈଠକ ସମୟରେ ନିଦରେ ଶୋଇଯାଇଥିଲେ, ଯେଉଁଥିରେ ବିଏସଏନଏଲ କୁ ଟ୍ରାକକୁ ଫେରାଇ ଆଣିବା ପାଇଁ ଗୁରୁତ୍ୱପୂର୍ଣ୍ଣ ଆଲୋଚନା କରାଯାଉଥିଲା । ବିଏସଏନଏଲର ଅବସ୍ଥା ସୁଧାରିବା ପାଇଁ କେନ୍ଦ୍ର କ୍ୟାବିନେଟ ୧.୬୪ ଲକ୍ଷ କୋଟି ଟଙ୍କାର ପ୍ୟାକେଜ ଅନୁମୋଦନ କରିଛି ।

କହିରଖୁଛୁ ଯେ ଟେଲିକମ୍ ମନ୍ତ୍ରୀ ଅଶ୍ୱିନୀ ବୈଷ୍ଣବ ଏହି ପ୍ରକଳ୍ପକୁ ଅତି ଗୁରୁତର ସହ ନେଇଛନ୍ତି । ସେ ଅଗଷ୍ଟରେ ଏକ ସିଜିଏମ ସ୍ତରୀୟ ବୈଠକ କରିଥିଲେ ଓ କର୍ମଚାରୀମାନଙ୍କୁ କହିଥିଲେ ଯେ ଉନ୍ନତ ପ୍ରଦର୍ଶନ କରି ବିଏସଏନଏଲକୁ ଟ୍ରାକ ଆଣନ୍ତୁ ନହେଲେ ଭିଆରଏସ ନେଇ ନିଅନ୍ତୁ । ଏହି ବୈଠକରେ ମନ୍ତ୍ରୀ ବୈଷ୍ଣବ ଅନେକ ଗୁରୁତ୍ୱପୂର୍ଣ୍ଣ ଆଲୋଚନା କରିଥିଲେ । ଏହି ସମୟରେ ଜଣେ ସିଜିଏମ ଶୋଇପଡିଲା । ତାଙ୍କୁ ଶୋଇଥିବାର ମନ୍ତ୍ରୀ ଦେଖି ଦେଇଥିଲେ । ଏହାପରେ ସେ କ୍ରୋଧିତ ହୋଇ ସିଜିଏମ୍ କୁ ତୁରନ୍ତ ରୁମ୍ ଛାଡିବାକୁ କହିଥିଲେ । କେବଳ ଏତିକି ନୁହେଁ, ତାଙ୍କୁ ଭିଆରଏସ ନେବାକୁ ମଧ୍ୟ କୁହାଯାଇଥିଲା । କୁହାଯାଉଛି ଯେ ତାଙ୍କ ଭିଆରଏସ କୁ ମଧ୍ୟ ଅନୁମୋଦନ କରାଯାଇଛି । ଏହି ଅଧିକାରୀଙ୍କୁ ବାଙ୍ଗାଲୋରରେ ପୋଷ୍ଟ କରାଯାଇଥିଲା ।

ବିଏସଏନଏଲକୁ ମଧ୍ୟ ଏହି ବିଷୟରେ ଆଲୋଚନା କରିବାକୁ ଏକ ମେଲ ପଠାଯାଇଛି, ଯାହାର ଉତ୍ତର ଏପର୍ଯ୍ୟନ୍ତ ଆସିନାହିଁ । ସୂତ୍ରରୁ ପ୍ରକାଶ ଯେ ଦେଶରେ ଟେଲିକମ୍ ସ୍ଥିତିର ଉନ୍ନତି ପାଇଁ କେନ୍ଦ୍ର ଗମ୍ଭୀର ଅଟେ । ଏଥିସହ କେନ୍ଦ୍ର ମନ୍ତ୍ରୀ ଅଶ୍ୱିନୀ ବୈଷ୍ଣବ ବିଏସଏନଏଲର କର୍ମଚାରୀମାନଙ୍କୁ ସ୍ପଷ୍ଟ ଭାବରେ କହିଛନ୍ତି ଯେ ସେମାନେ ସରକାରୀ ମନୋଭାବ ପରିବର୍ତ୍ତନ କରନ୍ତୁ । ଯଦି ସେମାନେ କାମ କରିପାରିବେ ନାହିଁ, ତେବେ ତୁରନ୍ତ ଚାକିରି ଛାଡି ଭିଆରଏସ ନିଅନ୍ତୁ । ଯଦିଓ ସେମାନେ ଭିଆରଏସ ନ ନିଅନ୍ତି, ତେବେ ସରକାର ବାଧ୍ୟତାମୂଳକ ଅବସର ରାସ୍ତା ଖୋଲା ଅଛି । କାର୍ଯ୍ୟରେ ସରକାରୀ ମନୋଭାବକୁ ଆଦୌ ବରଦାସ୍ତ କରାଯିବ ନାହିଁ ।

ମନ୍ତ୍ରୀ ବୈଷ୍ଣବ କର୍ମଚାରୀମାନଙ୍କୁ କହିଛନ୍ତି ଯେ ବିଏସଏନଏଲର କାରବାର ପାଇଁ ସରକାର ୧.୬୪ ଲକ୍ଷ କୋଟି ଟଙ୍କା ମଞ୍ଜୁର କରିଛନ୍ତି। ତେଣୁ ଏହାକୁ ଉନ୍ନତ କରିବା ପାଇଁ ସମସ୍ତେ ଦାୟୀ । ୨୦୧୯ ମସିହାରେ, ବିଏସଏନଏଲକୁ ୬୯ ହଜାର କୋଟି ଟଙ୍କା ରିଲିଫ୍ ପ୍ୟାକେଜ୍ ଦିଆଯାଇଥିଲା | ଏହା ପରେ ୪ଜି ପାଇଁ ସହାୟତା ପ୍ରଦାନ କରାଯାଇଥିଲା | ଏହାର ଉନ୍ନତି ପାଇଁ ସରକାର ଭରତ ବ୍ରଡବ୍ୟାଣ୍ଡ ନେଟୱାର୍କ ଲିମିଟେଡକୁ ମଧ୍ୟ ମିଶ୍ରଣ କରିଛନ୍ତି।