କ୍ରିକେଟରଙ୍କ ପାଇଁ ବାଧ୍ୟତାମୂଳକ କ୍ଵାରାଣ୍ଟିନ : ଅଣ୍ଡର-୧୯ ବିଶ୍ୱକପ-୨୦୨୨ ବିଶ୍ୱକପରୁ ନିଜ ନାମ ପ୍ରତ୍ୟାହାର କରିନେଲା ନ୍ୟୁଜିଲାଣ୍ଡ

ନୂଆଦିଲ୍ଲୀ: ନ୍ୟୁଜିଲାଣ୍ଡ କ୍ରିକେଟ୍ ଦଳ ୨୦୨୨ ମସିହାରେ ୱେଷ୍ଟଇଣ୍ଡିଜରେ ଆୟୋଜିତ ହେବାକୁ ଥିବା ଅଣ୍ଡର-୧୯ ବିଶ୍ୱକପରେ ଅଂଶଗ୍ରହଣ କରିବ ନାହିଁ । କ୍ରିକେଟରଙ୍କ ପାଇଁ ବାଧ୍ୟତାମୂଳକ କ୍ଵାରାଣ୍ଟିନ କରିଯିବା ଯୋଗୁଁ କିୱି ଦଳ ନିଜ ନାମ ପ୍ରତ୍ୟାହାର କରି ନେଇଛି । ଟୁର୍ଣ୍ଣାମେଣ୍ଟରେ ସ୍କଟଲାଣ୍ଡ ନ୍ୟୁଜିଲାଣ୍ଡକୁ ବଦଳରେ ଖେଳିବ । ସ୍କଟଲାଣ୍ଡ ଗ୍ରୁପ୍-ଡି ର ଅଂଶ ହେବ, ଯେଉଁଥିରେ ୱେଷ୍ଟଇଣ୍ଡିଜ୍, ଅଷ୍ଟ୍ରେଲିଆ ଏବଂ ଶ୍ରୀଲଙ୍କା ଭଳି ଅନ୍ୟ ଦଳ ସାମିଲ ଅଛି । ଏହି ଟୁର୍ଣ୍ଣାମେଣ୍ଟ ୧୪ ଜାନୁୟାରୀ ୨୦୨୨ ରୁ ଆରମ୍ଭ ହେବ ଏବଂ ପ୍ରଥମ ମ୍ୟାଚ ୱେଷ୍ଟଇଣ୍ଡିଜ୍ ଏବଂ ଅଷ୍ଟ୍ରେଲିଆ ମଧ୍ୟରେ ହେବ । ଏହି ଟୁର୍ଣ୍ଣାମେଣ୍ଟ ୪ ଟି ଭିନ୍ନ ଦେଶରେ ୧୦ ଟି ଗ୍ରାଉଣ୍ଡରେ ଖେଳାଯିବ ।

ୱେଷ୍ଟଇଣ୍ଡିଜରେ ପ୍ରଥମ ଥର ପାଇଁ ଅଣ୍ଡର-୧୯ ବିଶ୍ୱକପ ଖେଳାଯିବ । ଉଗାଣ୍ଡା, ଆୟର୍ଲାଣ୍ଡ ଏବଂ ଦକ୍ଷିଣ ଆଫ୍ରିକା ସହିତ ଭାରତୀୟ ଦଳକୁ ଗ୍ରୁପ୍ ବିରେ ସ୍ଥାନିତ କରାଯାଇଛି । ଟୁର୍ଣ୍ଣାମେଣ୍ଟର ଦୁଇଟି ସେମିଫାଇନାଲ ମ୍ୟାଚ୍ ଯଥାକ୍ରମେ ଫେବୃଆରୀ ୧ ଏବଂ ୨ ରେ ଖେଳାଯିବ । ଯେଉଁଠାରେ ପ୍ରଥମ ସେମିଫାଇନାଲ୍ ସାର୍ ଭିଭିଆନ୍ ରିଚାର୍ଡସ୍ କଲେଜ ଗ୍ରାଉଣ୍ଡରେ ଆୟୋଜିତ ହେବ । ଏଥିସହିତ କୁଲିଜ୍ କ୍ରିକେଟ୍ ଗ୍ରାଉଣ୍ଡରେ ଦ୍ୱିତୀୟ ସେମିଫାଇନାଲ୍ ଖେଳାଯିବ । ୧ ଫେବୃଆରୀ ଏବଂ ୨ ରେ ସେମିଫାଇନାଲ ଖେଳାଯିବ ଓ ଫାଇନାଲ ଫେବୃଆରୀ ୫ ରେ ସାର୍ ଭିଭିଆନ୍ ରିଚାର୍ଡସ କ୍ରିକେଟ୍ ଗ୍ରାଉଣ୍ଡରେ ଖେଳାଯିବ । କାରିବିଆନରେ ଆୟୋଜିତ ହେବାକୁ ଥିବା ଏହି ଟୁର୍ଣ୍ଣାମେଣ୍ଟରେ ୧୬ ଟି ଦଳ ଅଂଶଗ୍ରହଣ କରିବେ ଏବଂ ମୋଟ ୪୮ ଟି ମ୍ୟାଚ୍ ଖେଳାଯିବ । ଡିଫେଣ୍ଡିଂ ଚାମ୍ପିଅନ୍ ବାଂଲାଦେଶ, ଇଂଲଣ୍ଡ, କାନାଡା ଏବଂ ସଂଯୁକ୍ତ ଆରବ ଏମିରେଟ୍ସ ଗ୍ରୁପ୍ ଏରେ ସ୍ଥାନିତ ହୋଇଥିବାବେଳେ ଗ୍ରୁପ୍ ସିରେ ପାକିସ୍ତାନ, ଆଫଗାନିସ୍ତାନ, ଜିମ୍ବାୱେ ଏବଂ ପାପୁଆ ନ୍ୟୁ ଗିନି ସାମିଲ ରହିଛି । ଗ୍ରୁପ୍ ୱେଷ୍ଟରେ ଆୟୋଜକ ୱେଷ୍ଟଇଣ୍ଡିଜ୍, ଅଷ୍ଟ୍ରେଲିଆ ଏବଂ ଶ୍ରୀଲଙ୍କା ସ୍ଥାନ ପାଇଛନ୍ତି । ପ୍ରତ୍ୟେକ ଗ୍ରୁପର ଦୁଇଟି ଦଳ ସୁପର ଲିଗ୍ ପାଇଁ ଯୋଗ୍ୟତା ଅର୍ଜନ କରିଥିବାବେଳେ ବାକି ଦଳ ପ୍ଲେଟ୍ ବର୍ଗରେ ଖେଳିବେ । ଏହି ଟୁର୍ଣ୍ଣାମେଣ୍ଟ ୨୩ ଦିନ ଚାଲିବ ।

ସୂଚନା ଯେ, ଅଣ୍ଡର-୧୯ ବିଶ୍ୱକପର ପୂର୍ବ ସଂସ୍କରଣ ବାଂଲାଦେଶ ଜିତିଥିଲା । ଫାଇନାଲରେ ବାଂଲାଦେଶୀ ଟାଇଗର ଭାରତୀୟ ଦଳକୁ ପରାସ୍ତ କରିଥିଲା । ପ୍ରଥମେ ବ୍ୟାଟିଂ କରି ଭାରତୀୟ ଦଳ ୧୭୭ ରନ୍ ପାଇଁ ଆଉଟ୍ ହୋଇଥିଲେ । ବାଂଲାଦେଶ ଦଳ ଫିନିସ ଲାଇନକୁ ଅତିକ୍ରମ କରି ୩ ୱିକେଟ୍ ଓ ୨୩ ଟି ବଲ ରହି ଏହି ମ୍ୟାଚକୁ ଜିତି ନେଇଥିଲା । ବାଂଲାଦେଶ ଅଧିନାୟକ ଆକବର ଅଲି ଶେଷ ପର୍ଯ୍ୟନ୍ତ ରହିବା ସହ ୭୭ ଟି ବଲରୁ ଅପରାଜିତ ୪୩ ସ୍କୋର କରି ଦଳକୁ ଜିତାଇ ଥିବାରୁ ‘ପ୍ଲେୟାର ଅଫ୍ ଦି ମ୍ୟାଚ୍’ ହୋଇଥିଲେ ।