ସିଦ୍ଧାର୍ଥଙ୍କ ମୃତ୍ୟୁ ପରେ ଦୁଃଖରେ ଶେହନାଜ୍
ମୁମ୍ବାଇ : ଲୋକପ୍ରିୟ ଅଭିନେତା ତଥା ବିଗବସ୍ ୧୩ର ବିଜେତା ସିଦ୍ଧାର୍ଥ ଶୁକ୍ଲାଙ୍କ ହୃଦଘାତରେ ଗୁରୁବାର ପରଲୋକ ହୋଇଯାଇଛି । ଏନେଇ ଟିଭି ଓ ଫିଲ୍ମ ଜଗତରେ ଶୋକ ଛାଇ ରହିଛି । ଗୁରୁବାର ସକାଳେ ତାଙ୍କର ହଠାତ୍ ହୃଦଘାତରେ ମୃତ୍ୟୁ ହୋଇଛି। ୪୦ ବର୍ଷ ବୟସରେ ସେ ଦୁନିଆକୁ ଅଲବିଦା କହିଛନ୍ତି। ତାଙ୍କ ମୃତ୍ୟୁ ଖବର ପରିବାର, ସମ୍ପର୍କୀୟ, ବନ୍ଧୁ, ସେଲିବ୍ରିଟି, ପ୍ରଶଂସକ ସମସ୍ତଙ୍କୁ ଆଶ୍ଚର୍ଯ୍ୟ କରିଦେଇଛି। ସିଦ୍ଧାର୍ଥଙ୍କ ମୃତ୍ୟୁ ଖବର ଶୁଣି ତାଙ୍କର ଖୁବ୍ ନିକଟତର ବନ୍ଧୁ ଶେହନାଜ ଗିଲ ଅତ୍ୟନ୍ତ ମର୍ମାହତ ହୋଇଛନ୍ତି। ସିଦ୍ଧାର୍ଥଙ୍କ ମୃତ୍ୟୁ ଖବର ଶୁଣିବା ପରେ ସେ ଶୁଟିଂ ଅଧାରୁ ଛାଡି ସିଦ୍ଧାର୍ଥଙ୍କ ଘରକୁ ଯାଇଥିଲେ। ଏବେ ଦୁଃଖରେ ଭାଙ୍ଗି ପଡିଛନ୍ତି ନାଜ୍ । ଅଧାରେ ରହିଗଲା ସିଡନାଜଙ୍କ ଯୋଡି ।
ରିପୋର୍ଟ ଅନୁଯାୟୀ, ଶେହନାଜ ଗିଲ ସିଦ୍ଧାର୍ଥ ଶୁକ୍ଲାଙ୍କ ପ୍ରତି ଅନେକ ଥର ନିଜର ପ୍ରେମ ବ୍ୟକ୍ତ କରିଛନ୍ତି। ବର୍ତ୍ତମାନ ସିଦ୍ଧାର୍ଥଙ୍କ ମୃତ୍ୟୁରେ ଶାହନାଜ ସମ୍ପୂର୍ଣ୍ଣ ଭାଙ୍ଗି ଯାଇଛନ୍ତି। ଶେହନାଜଙ୍କ ପିତା ସାନ୍ତୋଖ ସିଂ ସୁଖ କହିଛନ୍ତି ଯେ ତାଙ୍କ ଝିଅ ଶାହନାଜଙ୍କ ଅବସ୍ଥା ଅତ୍ୟନ୍ତ ଖରାପ। ସେ କହିଲେ କି , ପାପା, ସେ ମୋ ହାତରେ ମରିଛନ୍ତି। ସେ ମୋ ହାତରେ ଦୁନିଆ ଛାଡି ଚାଲିଗଲେ। ମୁଁ ବର୍ତ୍ତମାନ କିପରି ବଞ୍ଚିବି, ମୁଁ କ’ଣ କରିବି? ଏନେଇ ଶେହନାଜଙ୍କ ପିତା ଆହୁରି କହିଛନ୍ତି, ‘ଯେତେବେଳେ ଶେହନାଜ ସିଦ୍ଧାର୍ଥଙ୍କୁ ସକାଳେ ଉଠାଇବାକୁ ଯାଇଥିଲେ, ସେତେବେଳେ ସେ କୌଣସି ପ୍ରତିକ୍ରିୟା ଦେଇନଥିଲେ। ସେ ତାଙ୍କୁ ନିଜ କୋଳରେ ଧରିଥିଲେ, ତଥାପି ସେ କୌଣସି ପ୍ରତିକ୍ରିୟା ଦେଇନଥିଲେ । ଏହା ପରେ ଶେହନାଜ ନିକଟରେ ରହୁଥିବା ସିଦ୍ଧାର୍ଥଙ୍କ ପରିବାରକୁ ଡାକିଲେ ଏବଂ ପରେ ତାଙ୍କୁ ଡାକ୍ତରଖାନା ନିଆଯାଇଥିଲା। ଶାହାଜାନ୍ କହୁଛନ୍ତି ଯେ ଯଦି ସେ ସେଠାରେ ନାହାଁନ୍ତି ତେବେ ମୁଁ କିପରି ବଞ୍ଚିବି? କେବଳ ଏତିକି ନୁହେଁ ଶାହନାଜଙ୍କ ବାପା ଏହା ମଧ୍ୟ କହିଛନ୍ତି ଯେ, ‘ସେ କେବେ ବି ଚିନ୍ତିତ ନୁହଁନ୍ତି ଯେ ମୋ ଝିଅ ମୁମ୍ବାଇରେ ଏକୁଟିଆ ରୁହନ୍ତି କାରଣ ସିଦ୍ଧାର୍ଥ ଏକ ପରିବାର ପରି ଶେହନାଜଙ୍କ ଯତ୍ନ ନେଉଥିଲେ। ହେଲେ ବର୍ତ୍ତମାନ ସେମାନେ ଏବେ ମ ଚିନ୍ତିତ ଅଛନ୍ତି ।
