ସୋସିଆଲ ମିଡିଆରେ ସ୍ୱାସ୍ଥ୍ୟକୁ ନେଇ ମିଛ ପ୍ରଚାର, ଅସନ୍ତୋଷ ପ୍ରକାଶ କଲେ ସଙ୍ଗୀତ ନିର୍ଦ୍ଦେଶକ ବାପି ଲହରୀ
ମୁମ୍ବାଇ : ବଲିଉଡ୍ ଅନ୍ୟତମ ପ୍ରସିଦ୍ଧ ଗାୟକ ତଥା ସଙ୍ଗୀତ ନିର୍ଦ୍ଦେଶକ ବାପି ଲହରୀଙ୍କୁ ନେଇ ସୋସିଆଲ ମିଡିଆରେ ଏକ ମିଛ ପ୍ରଚାର କରାଯାଇଛି । ଏହାକୁ ନେଇ ଅସନ୍ତୋଷ ପ୍ରକାଶ କରିଛନ୍ତି। ଏନେଇ ସୋଶାଲ୍ ମିଡିଆରେ ସେ ନିଜ ପ୍ରତିକ୍ରିୟା ରଖିଛନ୍ତି ଓ ସଂପୂର୍ଣ୍ଣ ସୁସ୍ଥ ଅଛନ୍ତି ବୋଲି ଲେଖିଛନ୍ତି।
ବାପି ତାଙ୍କ ଇନ୍ଷ୍ଟାଗ୍ରାମ୍ ଆକାଉଣ୍ଟରେ ଲେଖିଛନ୍ତି ଯେ କିଛି ଗଣମାଧ୍ୟମରେ ତାଙ୍କ ସ୍ୱାସ୍ଥ୍ୟକୁ ନେଇ ମିଛ ରିପୋର୍ଟ ପ୍ରକାଶ କରାଯାଇଥିବା ଖବର ପାଇଛନ୍ତି। ଏହା ତାଙ୍କୁ ଖୁବ୍ ଦୁଃଖିତ କରିଛି। ତାଙ୍କ ଫ୍ୟାନ୍ ଓ ଶୁଭେଚ୍ଛୁଙ୍କ ଆଶୀର୍ବାଦରୁ ସେ ଭଲ ଅଛନ୍ତି ବୋଲି ଲେଖିଛନ୍ତି। ବାପିଙ୍କ ସ୍ୱାସ୍ଥ୍ୟ ଖରାପ ହୋଇଯାଇଥିବା ଓ ତାଙ୍କ ଗଳା ଖରାପ ହୋଇଯାଇଥିବା ନେଇ କିଛି ଦିନ ଧରି ସୋଶାଲି ମିଡିଆରେ ଏକ ଖବର ପ୍ରଚାର ହୋଇଥିଲା। ସେ ଆଉ କେବେ ଗୀତ ଗାଇ ପାରିବେ ନାହିଁ ବୋଲି ମଧ୍ୟ ଏଥିରେ କୁହାଯାଇଥିଲା। ସୂଚନା ଯେ, ଗତ ଏପ୍ରିଲ ମାସରେ ବାପି କରୋନା ପଜିଟିଭ୍ ଚିହ୍ନଟ ହୋଇଥିଲେ। ତା’ପରେ ସେ ଚିକିତ୍ସାଧୀନ ଥିଲେ ଓ ସୁସ୍ଥ ହୋଇଯାଇଥିଲେ।
