କିପରି ଶେଷ ହେବ କଳିଯୁଗ? ଜାଣନ୍ତୁ କେବେ ଓ କେଉଁ ଦିନରେ ଭଗବାନ ବିଷ୍ଣୁ ନେବେ କଳକି ଅବତାର

ଭଗବାନଙ୍କ ଅବତାରର ଅନେକ ଘଟଣା ହିନ୍ଦୁ ଶାସ୍ତ୍ରରେ କୁହାଯାଇଛି । ହିନ୍ଦୁ ଶାସ୍ତ୍ର ଅନୁଯାୟୀ, ଯେତେବେଳେ ବି ପୃଥିବୀରେ ପାପ ବଢ଼ିଯାଏ କିମ୍ବା ପ୍ରାଣୀମାନଙ୍କ ଉପରେ କୌଣସି ଅସୁବିଧା ଆସେ । ଈଶ୍ବର ସେମାନଙ୍କୁ ଉଦ୍ଧାର କରିବା ପାଇଁ ଅବତାର ନିଅନ୍ତି । ବେଳେବେଳେ ଏହି ଅବତାରଗୁଡିକ ମଣିଷ ରୂପରେ ଏବଂ ବେଳେବେଳେ ଅନ୍ୟ ରୂପରେ ଜନ୍ମ ନେଇ ଭଗବାନ ପ୍ରାଣୀଙ୍କ ଉଦ୍ଧାର କରନ୍ତି । ଭଗବାନ ବିଷ୍ଣୁ ମଧ୍ୟ ତାଙ୍କ ଭକ୍ତମାନଙ୍କୁ ସୁରକ୍ଷା ଦେବା ପାଇଁ ଅନେକ ଅବତାର ଗ୍ରହଣ କରିଛନ୍ତି । ଶାସ୍ତ୍ର ଅନୁଯାୟୀ ପ୍ରଭୁ ବିଷ୍ଣୁ କଳିଯୁଗରେ ମଧ୍ୟ ଅବତାରିତ ହେବେ ।

ଋକବେଦ ଅନୁଯାୟୀ, କାଳଚକ୍ର ୪ ଟି ଯୁଗରେ ଚାଲିଥାଏ । ଏହି ଯୁଗଗୁଡ଼ିକ ହେଉଛି ସତ୍ୟ ଯୁଗ, ତ୍ରେତେୟା ଯୁଗ, ଦ୍ୱାପର ଯୁବ ଏବଂ କଳିଯୁଗ । ବର୍ତ୍ତମାନ କଳିଯୁଗ ଚାଲିଛି । ଏହି କଳିଯୁଗରେ ଭଗବାନ ଶ୍ରୀ ହରି ବିଷ୍ଣୁ କଳକି ଅବତାର ଗ୍ରହଣ କରିବେ । ପୁରାଣ ଅନୁଯାୟୀ, ଯେତେବେଳେ ବି ପୃଥିବୀରେ ପାପୀମାନଙ୍କର ପାପ ଏବଂ ଅତ୍ୟାଚାର ଅଧିକ ହୋଇଯାଏ । ସେତେବେଳେ ଭଗବାନ ଶ୍ରୀ ହରି ବିଷ୍ଣୁ ପୃଥିବୀରେ ଏକ ଅବତାର ଗ୍ରହଣ କରି ପୃଥିବୀକୁ ଅତ୍ୟାଚାରୀଙ୍କ ଆତଙ୍କରୁ ମୁକ୍ତ କରିଥିଲେ । ପ୍ରତ୍ୟେକ ଯୁଗରେ ଭଗବାନ ବିଷ୍ଣୁ ବିଭିନ୍ନ ଅବତାର ଗ୍ରହଣ କରି ଲୋକଙ୍କୁ ଜ୍ଞାନ ଏବଂ ସମ୍ମାନର ଶିକ୍ଷା ଦେଇଛନ୍ତି । ଧାର୍ମିକ ପୁରାଣରେ ସତ୍ୟଯୁଗରୁ ଆରମ୍ଭ କରି କଳି ଯୁଗ ପର୍ଯ୍ୟନ୍ତ ପ୍ରଭୁ ବିଷ୍ଣୁଙ୍କର ସମୁଦାୟ ୨୪ ଅବତାର ବିଷୟରେ କୁହାଯାଇଛି । ସେଥିରୁ ୨୩ ଅବତାର ପ୍ରଭୁ ଗ୍ରହଣ କରିସାରିଛନ୍ତି । ଆଉ ଗୋଟିଏ ଅବତାର ରହିଛି ଯାହାକୁ କଳକି ଅବତାର କୁହାଯାଇଛି ।

ପ୍ରଭୁଙ୍କର ୨୪ ତମ ଅବତାର ବିଷୟରେ, ପୁରାଣରେ ଉଲ୍ଲେଖ କରାଯାଇଛିଯେ, ଭଗବାନ ବିଷ୍ଣୁଙ୍କ ଏହି ଅବତାର କଳିଯୁଗ ଶେଷରେ ଏବଂ ସତ୍ୟ ଯୁଗ ଆରମ୍ଭ ସମୟରେ ହେବ । ତାହା ହେଉଛି, ଯେତେବେଳେ କଳିଯୁଗ ଶେଷ ହେବ ଏବଂ ସତ୍ୟ ଯୁଗ ଆରମ୍ଭ ହେବାକୁ ଯାଉଛି । ପୁରାଣ ଅନୁଯାୟୀ ଭଗବାନ ବିଷ୍ଣୁଙ୍କ ଏହି ଅବତାର ଶ୍ରାବଣ ମାସ ଶୁକ୍ଲ ପକ୍ଷ ଓ ପଞ୍ଚମୀ ତିଥିରେ ହେବ । ତେଣୁ ପ୍ରତିବର୍ଷ ଏହି ତିଥିରେ କଳକି ଜୟନ୍ତୀ ମଧ୍ୟ ପାଳନ କରାଯାଏ । ପ୍ରଭୁ କଳକିଙ୍କ ଜନ୍ମ ସମୟରେ ଗୁରୁ, ସୂର୍ଯ୍ୟ ଏବଂ ଚନ୍ଦ୍ର ପୁଷ୍ପ ନକ୍ଷତ୍ରରେ ଏକାଠି ହେବେ ଏବଂ ପ୍ରଭୁଙ୍କ ଜନ୍ମ ସହିତ ସତ୍ୟ ଯୁଗ ଆରମ୍ଭ ହେବ । ଶ୍ରୀମଦ୍ ଭାଗବତ ଅନୁଯାୟୀ, ଭଗବାନ ବିଷ୍ଣୁଙ୍କ କଳକି ଅବତାର ୬୪ କଳା ସହିତ ସମ୍ପୂର୍ଣ୍ଣ ହେବ । ପ୍ରଭୁ କଳକି ଏକ ଧଳା ଘୋଡା ଉପରେ ଚଢ଼ି ପାପୀମାନଙ୍କୁ ବିନାଶ କରିବେ ଏବଂ ପୃଥିବୀରେ ପୁନର୍ବାର ଧର୍ମ ପ୍ରତିଷ୍ଠା କରିବେ ।