ପ୍ରଶଂସକଙ୍କ ପାଇଁ ଖୁସି ଖବର : ମା’ ହେବେ ପ୍ରସିଦ୍ଧ ହାସ୍ୟ ଅଭିନେତା ଭାରତୀ ସିଂ!
ମୁମ୍ବାଇ : ପ୍ରସିଦ୍ଧ ହାସ୍ୟ ଅଭିନେତା ଭାରତୀ ସିଂ ଏବଂ ହର୍ଷ ଲାମ୍ବାଚିଆ ଖୁବ୍ ଶୀଘ୍ର ପ୍ରଶଂସକଙ୍କୁ ଏକ ଖୁସି ଖବର ଦେବାକୁ ଯାଉଛନ୍ତି I ଭାରତୀ ଙ୍କ ପ୍ରଶଂସକମାନେ ଭାରତୀଙ୍କୁ ପଚାରନ୍ତି ଯେ ସେ କେବେ ଭଲ ଖବର କହୁଛନ୍ତି? ପ୍ରଶଂସକ ଙ୍କୁ ଏହାର ଉତ୍ତର ଖୁବ ଶୀଘ୍ର ମିଳିଯିବ I ବିଶ୍ୱସ୍ତ ସୂତ୍ରରୁ ପ୍ରକାଶ ଯେ ଭାରତୀ ଅନ୍ତଃସତ୍ଵା ଅଛନ୍ତି Iବର୍ତ୍ତମାନ ସେ ଅଧିକ ବାହାରକୁ ଯାଉନାହାଁନ୍ତି I ଖବର ଅନୁଯାୟୀ ଭାରତୀ କପିଲ ଶର୍ମା ସୋ’ରୁ କିଛି ଦିନ ବିରତି ନେଇଛନ୍ତି, କିନ୍ତୁ ସେ ଶୀଘ୍ର ସୋ’କୁ ଫେରିବେ।
ଅନ୍ତଃସତ୍ଵା ଥିବା ନେଇ ପଚରାଯିବାରୁ, ସେ ଏହି ଖବରକୁ ଗ୍ରହଣ କଲେ ନାହିଁ କିମ୍ବା ଏହି ଖବରକୁ ଅସ୍ୱୀକାର କଲେ ନାହିଁ I ଭାରତୀ କହିଛନ୍ତି, ‘ମୁଁ ଏହାକୁ ଅସ୍ୱୀକାର କରିବି ନାହିଁ କିମ୍ବା ନିଶ୍ଚିତ କରିବି ନାହିଁ। କିନ୍ତୁ ଯେତେବେଳେ ଉପଯୁକ୍ତ ସମୟ ଆସି ବ , ମୁଁ ଖୋଲାଖୋଲି ଭାବରେ ଏହା ବିଷୟରେ କହିବି I ମୁଁ ଏହାକୁ ଲୁଚାଇ ପାରିବି ନାହିଁ, ଏହା ଲୁଚାଇବା ଜିନିଷ ନୁହେଁ I ଏହା ପୂର୍ବରୁ ଭାରତୀ ମଧ୍ୟ କହିଛନ୍ତି ଯେ ସେ ଏବଂ ହର୍ଷ ଏକ ଶିଶୁ ପାଇଁ ଯୋଜନା କରୁଛନ୍ତି। ବର୍ତ୍ତମାନ ଯଦି ଏହି ଖବର ସତ ହୋଇଯାଏ ତେବେ ଭାରତୀ ଏବଂ ହର୍ଷ ଆସନ୍ତା ବର୍ଷ ପ୍ରଥମ ଥର ପାଇଁ ପିତାମାତା ହେବେ I
