ୟୁରୋପୀୟ ସ୍ପେସ ଏଜେନ୍ସିରୁ ଋଷକୁ ବହିଷ୍କାର

ନୂଆଦିଲ୍ଲୀ : ୟୁରୋପୀୟ ସ୍ପେସ ଏଜେନ୍ସିରୁ ଋଷ ସ୍ପେସ୍ ଏଜେନ୍ସିକୁ ବହିଷ୍କାର । ଋଷ-ୟୁକ୍ରେନ ଯୁଦ୍ଧରେ କ୍ରୋଧିତ ହୋଇ ଏଭଳି ପଦକ୍ଷେପ ନିଆଯାଇଛି। ବର୍ତ୍ତମାନ ଏହି ମିଶନରେ ଋଷର ବୈଜ୍ଞାନିକ ଏବଂ ଇଞ୍ଜିନିୟରଙ୍କ କୌଣସି ସାହାଯ୍ୟ ନିଆଯିବ ନାହିଁ । ଏହି ମିଶନ ପ୍ରାୟ ୮୪୩୩ କୋଟି ଟଙ୍କା । ଯେଉଁଥିରେ ୟୁରୋପୀୟ ଦେଶ ଏବଂ ଋଷ ମଧ୍ୟ ଅନ୍ତର୍ଭୁକ୍ତ ଥିଲା । ୟୁରୋପୀୟ ସ୍ପେସ ଏଜେନ୍ସି ଏବଂ ଋଷ ସ୍ପେସ୍ ଏଜେନ୍ସି ମିଶ୍ରଣରେ ସେପ୍ଟେମ୍ବରରେ ଏକ୍ସୋମାର୍ସ ମିଶନ୍ ଲଞ୍ଚ କରିବାକୁ ଯାଉଥିଲେ ।

ୟୁରୋପୀୟ ସ୍ପେସ ଏଜେନ୍ସି ମହାନିର୍ଦ୍ଦେଶକ ଜୋସେଫ ଏସ ଭାସ୍କର କହିଛନ୍ତି ଯେ ଏକ୍ସୋମାର୍ସ ହେଉଛି ଏକ ରୋଭର, ଯାହା ସେଠାରେ ଐତିହାସିକ ତଥା ପ୍ରାଚୀନ ପରିବେଶର ଅନୁସନ୍ଧାନ ପାଇଁ ମଙ୍ଗଳ ଗ୍ରହକୁ ପଠାଯିବ । ଯାହା ଦ୍ୱାରା ଜୀବନର ଉତ୍ପତ୍ତି ଏବଂ ପ୍ରମାଣ ମିଳିପାରିବ । ଭବିଷ୍ୟତରେ ଜୀବନର ସମ୍ଭାବନା ଉପରେ ମଧ୍ୟ ଅଧ୍ୟୟନ କରାଯାଇପାରିବ । ସେହିପରି ବର୍ତ୍ତମାନ ଲଞ୍ଚ କରିବାକୁ ସମୟ ଲାଗିବ । କାରଣ ସାମ୍ପ୍ରତିକ ଅବସ୍ଥା ଭଲ ନୁହେଁ । ୟୁରୋପୀୟ ଦେଶମାନେ ଋଷ କୁ ଏହି ମିଶନରୁ ବହିଷ୍କାର କରିଛନ୍ତି । ବର୍ତ୍ତମାନ ଏହି ରୋଭରର ଶୁଭାରମ୍ଭ ବିଷୟରେ ପୁନର୍ବାର ଯୋଜନା କରାଯିବ । ଏକ୍ସୋମାର୍ସ ର ନାମ ରୋଜାଲିଣ୍ଡ ଫ୍ରାଙ୍କଲିନ୍ । ବ୍ରିଟେନରେ ଏହାର ସଭା ଅନୁଷ୍ଠିତ ହେଉଛି । ଯାହା ଏକ ଋଷର ରକେଟରେ ଉତକ୍ଷେପଣ କରାଯାଉଥିଲା । ତାହା ଜର୍ମାନୀର ମହାକାଶଯାନରେ ସ୍ଥାପିତ ହୋଇଥିଲା ଏବଂ ଏହାକୁ ଏକ ରକେଟରେ ରଖି ଉତ୍କ୍ଷେପଣ କରାଯାଇଥାନ୍ତା । ଏହି ନିଷ୍ପତ୍ତିରେ ଋଷ ଅଧିକ କ୍ଷତି ସହିବ । ସାମ୍ପ୍ରତିକ ଅବସ୍ଥାକୁ ଦେଖିଲେ ଏହି ମିଶନ୍ ପାଇଁ ପରବର୍ତ୍ତୀ ଲଞ୍ଚ ୱିଣ୍ଡୋ ହେଉଛି ୨୦୨୪ ।

ଏକ୍ସୋମାର୍ସ ଶୁଭାରମ୍ଭ ପାଇଁ ଋଷ କୁ ବହିଷ୍କାର କରିବା ପରେ ୟୁରୋପୀୟ ସ୍ପେସ ଏଜେନ୍ସି ଏହି ରୋଭରକୁ ମଙ୍ଗଳ ଗ୍ରହକୁ କିପରି ପହଞ୍ଚିବ ସେ ବିଷୟରେ ଅଧ୍ୟୟନ କରିଛି । ଏଥିପାଇଁ ଆମେରିକାର ସ୍ପେସ୍ ଏଜେନ୍ସି ନାସା ସହିତ ଆଲୋଚନା ଚାଲିଛି । ଜୋସେଫ କହିଛନ୍ତି ଯେ ଆମେରିକାର ସ୍ପେସ୍ ଏଜେନ୍ସି ଏହି ପ୍ରକଳ୍ପରେ ଜଡିତ ହେବାକୁ ପ୍ରସ୍ତୁତ । ସେ ଏହି ମିଶନରେ ସମ୍ପୂର୍ଣ୍ଣ ସହଯୋଗ କରିବାକୁ ଚାହୁଁଛନ୍ତି । ୟୁରୋପୀୟ ସ୍ପେସ୍ ଏଜେନ୍ସି ରୋଜାଲିଣ୍ଡ ଫ୍ରାଙ୍କଲିନ୍ ପୂର୍ବରୁ ୨୦୧୬ରେ ଋଷର ସହଯୋଗରେ ଟ୍ରେସ୍ ଗ୍ୟାସ୍ ଅର୍ବିଟର୍ ଲଞ୍ଚ କରିଥିଲା । ଏହାର ଦ୍ୱିତୀୟ ଭାଗ ଥିଲା ଏହି ରୋଭର । ଟ୍ରେସ୍ ଗ୍ୟାସ୍ ଅର୍ବିଟର୍ ମଙ୍ଗଳ ଗ୍ରହରେ ଘୂରି ବୁଲୁଛି । ଏହାର ସାହାଯ୍ୟରେ ରୋଜାଲିଣ୍ଡ ଫ୍ରାଙ୍କଲିନଙ୍କ ଯୋଗାଯୋଗ ପୃଥିବୀ ସହିତ ସଂଯୁକ୍ତ ହେବ ।