ଘରେ ବସି ରେଲୱେ ସହିତ ଆରମ୍ଭ କରନ୍ତୁ ବ୍ୟବସାୟ, ମାସିକ ରୋଜଗାର ହେବ ୮୦,୦୦୦ ଟଙ୍କା!

ନୂଆଦିଲ୍ଲୀ: ଇଣ୍ଡିଆନ ରେଲୱେ କ୍ୟାଟରିଂ ଆଣ୍ଡ ଟୁରିଜିମ୍ କର୍ପୋରେସନ୍ (ଆଇଆରସିଟିସି) ହେଉଛି ରେଳବାଇର ଏକ ସେବା । ଏହା ଟ୍ରେନ୍ ଟିକେଟ୍ ବୁକିଂ ଠାରୁ ଅନେକ ସୁବିଧା ଯୋଗାଇଥାଏ । ଆଇଆରସିଟିସି ସାହାଯ୍ୟରେ ଆପଣ ପ୍ରତି ମାସରେ ହଜାର ହଜାର ଟଙ୍କା ରୋଜଗାର କରିପାରିବେ । ଆପଣଙ୍କୁ ଏଥିପାଇଁ କୌଣସି ସ୍ଥାନକୁ ଯିବା ଆବଶ୍ୟକ ନାହିଁ । କେବଳ ଆପଣଙ୍କୁ ଏକ ଟିକେଟ୍ ଏଜେଣ୍ଟ ହେବାକୁ ପଡିବ । ଯେପରି ରେଲୱେ କାଉଣ୍ଟରରେ କ୍ଲର୍କ ଟିକେଟ୍ କାଟନ୍ତି, ସେହିଭଳି ଆପଣଙ୍କୁ ଯାତ୍ରୀମାନଙ୍କ ପାଇଁ ଟିକେଟ୍ ମଧ୍ୟ କାଟିବାକୁ ପଡିବ ।

ସର୍ବପ୍ରଥମେ, ଅନଲାଇନରେ ଆପଣଙ୍କର ଟିକେଟ୍ କାଟିବା ପାଇଁ ଆଇଆରସିଟିସି ୱେବସାଇଟ୍ ଭିଜିଟ କରି ଆପଣଙ୍କୁ ଏଜେଣ୍ଟ ହେବାକୁ ଆବେଦନ କରିବାକୁ ପଡିବ । ଏହା ପରେ ଆପଣ ଏକ ପ୍ରାଧିକୃତ ଟିକେଟ୍ ବୁକିଂ ଏଜେଣ୍ଟ ହେବେ । ତା’ପରେ ଆପଣ ଟିକେଟ୍ ବୁକ୍ କରିପାରିବେ । ଟିକେଟ୍ ବୁକିଂ ଉପରେ ଏଜେଣ୍ଟମାନେ ଆଇଆରସିଟିସିରୁ ଏକ ମୋଟା ଅଙ୍କର କମିଶନ ପାଆନ୍ତି । ଯେକୌଣସି ଯାତ୍ରୀଙ୍କ ପାଇଁ, ଏକ ଏସି କୋଚ୍ ଟିକେଟ୍ ବୁକ୍ କରିବା ପାଇଁ ଟିକେଟ୍ ପିଛା ୨୦ ଟଙ୍କା ଏବଂ ଏସି ଶ୍ରେଣୀ ଟିକେଟ୍ ବୁକ୍ କରିବା ପାଇଁ ଟିକେଟ୍ ପିଛା ୪୦ ଟଙ୍କା ଉପଲବ୍ଧ । ଏହା ବ୍ୟତୀତ ଟିକେଟ୍ ମୂଲ୍ୟର ଏକ ପ୍ରତିଶତ ମଧ୍ୟ ଏଜେଣ୍ଟକୁ ଦିଆଯାଏ । ଆଇଆରସିଟିସିର ଏଜେଣ୍ଟ ହେବାର ଆଉ ଏକ ବଡ ସୁବିଧା ହେଉଛି ଏଥିରେ ଟିକେଟ୍ ବୁକ୍ କରିବାର କୌଣସି ସୀମା ନାହିଁ । ଆପଣ ଗୋଟିଏ ମାସରେ ଯେତେ ଚାହିଁବେ ଟିକେଟ୍ ବୁକ୍ କରିପାରିବେ । ଏହା ବ୍ୟତୀତ ୧୫ ମିନିଟରେ ତତ୍କାଳ ଟିକେଟ ବୁକ୍ କରିବାର ଏକ ବିକଳ୍ପ ମଧ୍ୟ ଅଛି । ଜଣେ ଏଜେଣ୍ଟ ଭାବରେ, ଆପଣ ଟ୍ରେନ୍ ବ୍ୟତୀତ ଘରୋଇ ଏବଂ ଆନ୍ତର୍ଜାତୀୟ ବିମାନ ଟିକେଟ ବୁକ୍ କରିପାରିବେ ।

ଏଜେଣ୍ଟ ପାଇଁ ଗୋଟିଏ ମାସରେ ଟିକେଟ୍ ବୁକ୍ କରିପାରିବେ କୌଣସି ସୀମା ନାହିଁ । ତେଣୁ ଗୋଟିଏ ମାସରେ ଅସୀମିତ ସଂଖ୍ୟକ ଟିକେଟ୍ ବୁକ୍ କରିପାରିବେ । ପ୍ରତ୍ୟେକ ବୁକିଂ ଏବଂ କାରବାର ଉପରେ ଏଜେଣ୍ଟମାନେ ଏକ କମିଶନ ପାଆନ୍ତି । ଜଣେ ଏଜେଣ୍ଟ ମାସକୁ ୮୦,୦୦୦ ଟଙ୍କା ପର୍ଯ୍ୟନ୍ତ ନିୟମିତ ଆୟ କରିପାରିବେ । କାର୍ଯ୍ୟ ଧିମା କରୁଥିଲେ ମଧ୍ୟ ହାରାହାରି ୪୦ ରୁ ୫୦ ହଜାର ଟଙ୍କା ରୋଜଗାର କରିପାରିବେ । ଯଦି ଆପଣ ଏକ ବର୍ଷ ପାଇଁ ଏଜେଣ୍ଟ ହେବାକୁ ଚାହାଁନ୍ତି, ତେବେ ଆଇଆରସିଟିସିକୁ ୩,୯୯୯ ଟଙ୍କା ଦେୟ ଦେବାକୁ ପଡିବ, ଦୁଇ ବର୍ଷ ପାଇଁ ଏହି ଚାର୍ଜ ୬,୯୯୯ ଟଙ୍କା । ଏଥି ସହିତ, ଜଣେ ଏଜେଣ୍ଟ ଭାବରେ, ଗୋଟିଏ ମାସରେ ୧୦୦ ଟିକେଟ୍ ବୁକ୍ କରିବା ପାଇଁ ୧୦ ଟଙ୍କା ଶୁଳ୍କ ଆଦାୟ କରାଯାଉଥିବାବେଳେ ଗୋଟିଏ ମାସରେ ୧୦୧ ରୁ ୩୦୦ ଟିକେଟ୍ ବୁକ୍ କରିବା, ଟିକେଟ୍ ପିଛା ୮ ଟଙ୍କା ଏବଂ ୩୦୦ ରୁ ଅଧିକ ଟିକେଟ୍ ବୁକ୍ କରିବା ପାଇଁ ଟିକେଟ୍ ପିଛା ୫ ଟଙ୍କା ଦେୟ ଦେବାକୁ ପଡିବ ।