ଟି-୨୦ ବିଶ୍ୱକପ୍ର ଥିମ୍ ସଙ୍ଗ ରିଲିଜ୍ : ନୂଆ ଅବତାରରେ କୋହଲି ଓ ପୋଲାର୍ଡ
ଦୁବାଇ : ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ଆଗାମୀ ଟି-୨୦ ବିଶ୍ବକପ୍ ପାଇଁ ଥିମ୍ ସଙ୍ଗ ରିଲିଜ୍ କରିଛି । ଏଥିରେ ଭାରତୀୟ କ୍ରିକେଟର ବିରାଟ କୋହଲି ଏବଂ ଓ୍ବେଷ୍ଟଇଣ୍ଡିଜ୍ ଅଧିନାୟକ କିରନ ପୋଲାର୍ଡ ନଜର ଆସିଛନ୍ତି । ଟୁର୍ଣ୍ଣାମେଣ୍ଟ ଅକ୍ଟୋବର ୧୭ରେ ଓମାନ ଏବଂ ୟୁଏଇରେ ଆରମ୍ଭ ହେବ। ଫାଇନାଲ୍ ମ୍ୟାଚ୍ ନଭେମ୍ବର ୧୪ରେ ଦୁବାଇରେ ହେବ।
? Let the world know,
— ICC (@ICC) September 23, 2021
This is your show ?
Come #LiveTheGame and groove to the #T20WorldCup anthem ?? pic.twitter.com/KKQTkxd3qw
ବଲିଉଡର ସଂଗୀତ ନିର୍ଦ୍ଦେଶକ ଅମିତ୍ ତ୍ରିବେଦୀଙ୍କର ସଂଗୀତ ନିର୍ଦ୍ଦେଶନାରେ ପ୍ରସ୍ତୁତ ହୋଇଥିବା ଏହି ଆନିମିନେଟେଡ ଫିଲ୍ମରେ ସମଗ୍ର ବିଶ୍ୱରେ ଟି-୨୦ର ଯୁବ ପ୍ରଶଂସକ ତଥା ଏହି ଖେଳର କିଛି ନାମୀ କିମ୍ବଦନ୍ତୀଙ୍କୁ ସାମିଲ୍ କରାଯାଇଛି। ଭାରତୀୟ କ୍ୟାପଟେନ୍ ବିରାଟ୍ କୋହଲି ଖେଳାଳି ୟୁନିଟର ନେତୃତ୍ୱ କରୁଛନ୍ତି। ଏଥିରେ ଡିଫେଣ୍ଡିଂ ଚାମ୍ପିୟନ୍ ୱେଷ୍ଟଇଣ୍ଡିଜର କ୍ୟାପଟେନ୍ ପୋଲାର୍ଡ, ଅଷ୍ଟ୍ରେଲିଆ ଅଲରାଉଣ୍ଡର ଗ୍ଲେନ୍ ମ୍ୟାକ୍ସୱେଲ ଓ ଆଫଗାନିସ୍ତାନର ରାଶିଦ୍ ଖାନ୍ ମଧ୍ୟ ସାମିଲ୍ ଅଛନ୍ତି। ପୋଲାର୍ଡ କହିଛନ୍ତି, ୱେଷ୍ଟଇଣ୍ଡିଜ୍ ଜର୍ସି ପିନ୍ଧିବା ଏବଂ ମଇଦାନରେ ପାଦ ରଖିବା ସର୍ବଦା ଖାସ୍ ହୋଇଥାଏ। ଆଗାମୀ ବିଶ୍ୱକପ୍ ଆମକୁ ଆହରୁ ଖୁସିର ମୁହୂର୍ତ୍ତ ଦେବ। ଆମେ ଜାଣିଛୁ ଯେ ଆମର ପ୍ରଶଂସକ ଏଥିରେ ପୂରା ସାମିଲ୍ ହେବେ, ମ୍ୟାଚ୍ ଦେଖିବେ ଓ ସମର୍ଥନ କରିବେ। ଆମେ ସେମାନଙ୍କୁ ଖୁସି କରାଇବା ଲାଗି ବହୁତ କିଛି ଦେବାକୁ ଚାହୁଁଛୁ। ସୂଚନା ଯେ, କୋଭିଡ୍-୧୯ ମହାମାରୀ ପରେ କ୍ରିକେଟର ସବୁଠାରୁ ବଡ଼ ପ୍ରତିଯୋଗିତାରେ ଦୁନିଆର ୧୬ଟି ଦେଶ ଭାଗ ନେବେ। ଟୁର୍ଣ୍ଣାମେଣ୍ଟ ଅକ୍ଟୋବର ୧୭ରୁ ଓମାନ୍ ଓ ୟୁଏଇରେ ଆରମ୍ଭ ହେବ। ଫାଇନାଲ୍ ମ୍ୟାଚ୍ ନଭେମ୍ବର ୧୪ରେ ଦୁବାଇରେ ଖେଳାଯିବ। ଟୁର୍ଣ୍ଣାମେଣ୍ଟର ଉଦଘାଟନ ମ୍ୟାଚରେ ଆୟୋଜକ ଓମାନର ସାମ୍ନା ପାପୁଆ ନ୍ୟୁ ଗିନି ସହ ହେବ। ଏହି ମୁକାବିଲା ମାସ୍କଟର ଓମାନ୍ କ୍ରିକେଟ୍ ଏକାଡେମୀରେ ଖେଳାଯିବ।
