ଟି-୨୦ରେ ୧୪୦୦୦ ରନ୍ ପୂରଣ କରି ଇତିହାସ ରଚିଲେ ଗେଲ୍‌

ନୂଆଦିଲ୍ଲୀ : ୟୁନିଭର୍ସ ବସ୍ ନାମରେ ପରିଚିତ କାରବିଆନ ଖେଳାଳି କ୍ରିସ୍ ଗେଲ୍ ଇତିହାସ ରଚିଛନ୍ତି । ସେ ଟି୨୦ କ୍ରିକେଟରେ ୧୪ ହଜାର ରନ୍ ପୂରଣ କରିଛନ୍ତି । ଏହାସହ ୧୪ ହଜାର ରନ୍ କରିଥିବା ପ୍ରଥମ ବ୍ୟାଟସମ୍ୟାନ୍ ହୋଇପାରିଛନ୍ତି । ଅଷ୍ଟ୍ରେଲିଆ ବିପକ୍ଷରେ ସେଣ୍ଟ ଲୁସିଆରେ ଖେଳା ଯାଇଥିବା ତୃତୀୟ ଟି୨୦ରେ ୨୯ ରନ୍ କରି ଗେଲ୍ ଏହି ରେକର୍ଡ ହାସଲ କରିଥିଲେ । ଏହି ମ୍ୟାଚରେ ସେ ୩୮ ବଲରୁ ବିସ୍ଫୋରକ ୬୭ ରନ୍ କରିଥିଲେ । ୨୦୧୬ ପରେ ଗେଲଙ୍କ ଏହା ଅନ୍ତର୍ଜାତୀୟ ଟି୨୦ରେ ପ୍ରଥମ ଅର୍ଦ୍ଧଶତକ । ଗେଲଙ୍କ ଏହି ପାଳି ପାଇଁ ଓ୍ୱେଷ୍ଟଇଣ୍ଡିଜ ଅଷ୍ଟ୍ରେଲିଆକୁ ୬ ଓ୍ୱିକେଟରେ ହରାଇ ୫ ମ୍ୟାଚ୍ ବିଶିଷ୍ଟ ଟେଷ୍ଟ ସିରିଜକୁ ୩-୦ରେ କବଜା କରିନେଇଛି । ୪୧ ବର୍ଷୀୟ ଗେଲ୍ ୪୩୧ଟି ଟି୨୦ ଖେଳି ୩୭.୬୩ ଆଭରେଜରେ ୧୪୦୩୮ ରନ୍ କରିଛନ୍ତି । ଏଥିରେ ୨୨ଟି ଶତକ ଓ ୮୭ଟି ଅର୍ଦ୍ଧଶତକ ରହିଛି ।

When the lion roars..? ? #WIvAUS #MissionMaroon pic.twitter.com/L5eDodIR2e

— Windies Cricket (@windiescricket) July 13, 2021

ସେହିପରି ଅନ୍ୟ କାରବିଆନ ଖେଳାଳି କିରନ୍ ପୋଲାର୍ଡ ୫୪୫ ମ୍ୟାଚରୁ ୧୦୮୩୬ ରନ୍ କରିଛନ୍ତି । ସେ ଦ୍ୱିତୀୟ ସ୍ଥାନରେ ରହିଛନ୍ତି । ପୂର୍ବତନ ପାକିସ୍ତାନୀ ଅଧିନାୟକ ସୋଏବ ମଲ୍ଲିକ ତୃତୀୟ ସ୍ଥାନରେ ରହିଛି । ସେ ୪୨୫ଟି ମ୍ୟାଚରୁ ୧୦୭୪୧ ରନ୍ କରିଛନ୍ତି । ଭାରତୀୟ ଖେଳାଳିଙ୍କ ମଧ୍ୟରେ ବିରାଟ କୋହଲି ୩୧୦ ଟି୨୦ ମ୍ୟାଚରୁ ୯୯୨୨ ରନ୍ କରିଛନ୍ତି । ଏଥିରେ ୫ ଶତକ ଓ ୭୨ ଅର୍ଦ୍ଧଶତକ ରହିଛି । ବିରାଟଙ୍କ ଆଭରେଜ ରହିଛି ୪୧.୮୬ । ଏହାସହ ସେ ତାଲିକାରେ ପଞ୍ଚମ ସ୍ଥାନରେ ରହିଛନ୍ତି ।