ଗୁଗଲ୍ ଆଣ୍ଡ୍ରଏଡ୍ ୧୩ (ଗୋ ଏଡିସନ) ଲଞ୍ଚ୍ : ଜାଣନ୍ତୁ କଣ ରହିଛି ଡିଜାଇନ ଓ ବିଶେଷତ୍ତ୍ୱ

ଆଣ୍ଡ୍ରଏଡ୍ ସ୍ମାର୍ଟଫୋନ୍ ବ୍ୟବହାରକାରୀଙ୍କୁ ଏକ ଚମତ୍କାର ଉପହାର ଦେଇଛି ଗୁଗଲ । ଗୁଗଲ ସୁଲଭ ସ୍ମାର୍ଟଫୋନ୍ ପାଇଁ ଆଣ୍ଡ୍ରଏଡ୍ ୧୩ (ଗୋ ଏଡିସନ) ଘୋଷଣା କରିଛି । କମ୍ପାନି ସୂଚନା ଅନୁସାରେ ବର୍ତ୍ତମାନ ୨୫ କୋଟିରୁ ଅଧିକ ଡିଭାଇସରେ ଆଣ୍ଡ୍ରଏଡ୍ ଗୋକାମ କରିବ। ଆଣ୍ଡ୍ରଏଡ୍ ୧୩ ରିଲିଜ୍ ହେବାର ଦୁଇ ମାସ ପରେ ଆଣ୍ଡ୍ରଏଡ୍ ଗୋ’ର ନୂତନ ସଂସ୍କରଣ ଘୋଷଣା କରାଯାଇଛି ।

ଗୋ ଡିଭାଇସ୍’ରେ ଅପଡେଟ ସହ ଆକର୍ଷଣୀୟ ବୈଶିଷ୍ଟ୍ୟ ଯୁକ୍ତ କରାଯାଇଛି । ଗୁରୁତ୍ୱପୂର୍ଣ୍ଣ ସୂଚନା ହେଉଛି ଆଣ୍ଡ୍ରଏଡ୍ ୧୩ (ଗୋ ଏଡିସନ) ଗୁଗଲ୍ ପ୍ଲେ ସିଷ୍ଟମ୍ ଅପଡେଟ୍ ରୁ ପ୍ରାପ୍ତ ହୋଇପାରିବ । ଏଣ୍ଟ୍ରି ଲେବଲ ସ୍ମାର୍ଟଫୋନର ଉପଲବ୍ଧ ସୀମିତ ହାର୍ଡୱେରକୁ ବିଚାରକୁ ନେଇ ଗୁଗୁଲ୍ ପ୍ଲେ ଷ୍ଟୋର ମାଧ୍ୟମରେ ସଫ୍ଟୱେୟାର ଅପଡେଟ୍ ହୋଇପାରିବ । ପୂର୍ବରୁ ଗୁଗଲର ପିକ୍ସେଲ ବ୍ରାଣ୍ଡେଡ୍ ସ୍ମାର୍ଟଫୋନରେ ଯେଉଁପରି ଅପଡେଟ ହେଉଥିଲା ଏବେ Android Goରେ ମଧ୍ୟ ସେହିପରି ଅପଗ୍ରେଡ ହୋଇପାରିବ ।

ଅପଡେଟ ପାଇଁ ଅପେକ୍ଷା କରିବାକୁ ପଡ଼ିବ ନାହିଁ

ଡିଭାଇସରେ ଗୁଗଲ୍ ପ୍ଲେ ସିଷ୍ଟମ୍ ଅପଡେଟ୍ ପାଇଁ ସପୋର୍ଟ କରୁଛି । ଏହାଦ୍ୱାରା ଡିଭାଇସ୍ ନିୟମିତ ଭାବରେ ଅପଡେଟ୍ ରହିବ । କିନ୍ତୁ ସିଷ୍ଟମ୍ ଅପଡେଟ୍ ପାଇଁ ସିଷ୍ଟମରୁ ଅତିରିକ୍ତ ଷ୍ଟୋରେଜ୍ ସ୍ପେସ୍ ନେଇପାରେ । ଏହାର ଅର୍ଥ ଉପଭୋକ୍ତାମାନଙ୍କୁ ନିର୍ମାତାମାନଙ୍କ ଠାରୁ ଅପଡେଟ ପାଇଁ ଆଉ ଅପେକ୍ଷା କରିବାକୁ ପଡିବ ନାହିଁ । କାରଣ ସମୟ ସମୟରେ ସିଷ୍ଟମ୍ ସ୍ୱତଃ ଅପଡେଟ ହୋଇପାରିବ । ଏହାସହିତ ଉପଭୋକ୍ତାମାନେ ପୃଥକ ଭାବରେ ଚାହିଁଲେ ସମୟ ସମୟରେ ଅପଡେଟ୍ କରିପାରିବେ ।

ମ୍ୟାଟେରିଆଲ ୟୁ ଡିଜାଇନ

ଆଣ୍ଡ୍ରଏଡ୍ ୧୩ (ଗୋ ଏଡିସନ) ସହିତ ଯୋଗ ହୋଇଛି ସାମଗ୍ରୀ ମ୍ୟାଟେରିଆଲ ୟୁ । ଗୁଗୁଲ ଶେଷରେ ଗୋ ଡିଭାଇସରେ କିଛି ମାତ୍ରାରେ ମ୍ୟାଟେରିଆଲ୍ ୟୁ ଡିଜାଇନ୍ ଆଣିବାକୁ ନିଷ୍ପତ୍ତି ନେଇଛି । ଯାହା ଉପଭୋକ୍ତାମାନଙ୍କୁ ସେମାନଙ୍କ ଡିଭାଇସ୍ କଷ୍ଟୋମାଇଜ୍ କରିବାକୁ ସୁଯୋଗ ପ୍ରଦାନ କରିବ । ଉଭୟ ଆଣ୍ଡ୍ରଏଡ୍ ୧୨ ଏବଂ ଆଣ୍ଡ୍ରଏଡ୍ ୧୩ ଚାଳିତ ସ୍ମାର୍ଟଫୋନରେ ସମାନ କଷ୍ଟୋମାଇଜ୍ ହୋଇପାରିବ । ଗୁଗଲ୍ ସୂଚନା ଅନୁସାରେ ଉପଭୋକ୍ତାମାନେ ମନୋନୀତ ୱାଲପେପର ସହିତ ସିଙ୍କ୍ କରିବାକୁ ସେମାନଙ୍କ ଫୋନର ରଙ୍ଗ ସ୍କିମ୍ କଷ୍ଟୋମାଇଜ୍ କରିବାକୁ ସମର୍ଥ ହେବେ। ଉପଯୋଗକର୍ତ୍ତାଙ୍କୁ ଚୟନ କରିବାକୁ ଚାରିଟି କଲର ସ୍କିମ୍ ମିଳିବ । ଯାହା ମଧ୍ୟରେ ନୋଟିଫିକେସନ ବାର, ସେଟିଂ ଆପ୍, କି-ବୋର୍ଡ୍ ଟୋଗଲ୍ ଉପରେ ପ୍ରୟୋଗ କରାଯାଇପାରିବ । ଯଦିଓ ବର୍ତ୍ତମାନ ସୁଦ୍ଧା ସର୍ବନିମ୍ନ ହାର୍ଡୱେର ସ୍ମାର୍ଟଫୋନ ଉପରେ ଏହା କିପରି ପ୍ରଭାବ ପକାଇବ ତାହା ଗୁଗଲ ସ୍ପଷ୍ଟ କରିନାହିଁ।