ସିବିଏସଇ ଦ୍ୱାଦଶ କମ୍ପାର୍ଟମେଣ୍ଟ ଫଳାଫଳ ପ୍ରକାଶ, ଏଠାରେ ଦେଖନ୍ତୁ ରେଜଲ୍ଟ

ନୂଆଦିଲ୍ଲୀ : ଦ୍ୱାଦଶ କମ୍ପାର୍ଟମେଣ୍ଟ ପରୀକ୍ଷଣର ଫଳାଫଳ କେନ୍ଦ୍ରୀୟ ମାଧ୍ୟମିକ ଶିକ୍ଷା ବୋର୍ଡ ଯଥା ସିବିଏସଇ ଦ୍ୱାରା ପ୍ରକାଶ ପାଇଛି ।ଛାତ୍ରଛାତ୍ରୀମାନେ ଏହାର ଅଫିସିଆଲ୍ ୱେବସାଇଟ୍ results.cbse.nic.in ର ଭିଜିଟ କରି ରେଜଲ୍ଟ ଚେକ୍ କରିପାରିବେ । ରୋଲ ନମ୍ବର ଓ ଜନ୍ମ ତାରିଖ ସାହାଯ୍ୟରେ ଆପଣ ଏଠାରେ ରେଜଲ୍ଟ କରାଯାଇପାରିବ । ସିବିଏସଇ ଟର୍ମ -୨ ପରୀକ୍ଷା ପରେ, ଜୁଲାଇ ୨୦୨୨ ରେ ଅନ୍ତିମ ଫଳାଫଳ ଘୋଷଣା କରାଯାଇଛି । ଅଫିସିଆଲ୍ ୱେବସାଇଟ୍ ବ୍ୟତୀତ ଛାତ୍ରଛାତ୍ରୀମାନେ ଡିଜିଲକରରେ ମଧ୍ୟ ସେମାନଙ୍କର ଫଳାଫଳ ଡାଉନଲୋଡ୍ କରିପାରିବେ ।

ଦ୍ୱାଦଶ ଶ୍ରେଣୀ ପାଇଁ କମ୍ପାର୍ଟମେଣ୍ଟ ପରୀକ୍ଷା ୨୩ ଅଗଷ୍ଟ ୨୦୨୨ରେ ସିବିଏସଇ ବୋର୍ଡ ଦ୍ୱାରା କରାଯାଇଥିଲା । ଏଥି ସହିତ, ୨୩ ଅଗଷ୍ଟରୁ ୨୯ ଅଗଷ୍ଟ ୨୦୨୨ ପର୍ଯ୍ୟନ୍ତ ଦଶମ ପରୀକ୍ଷା ଅନୁଷ୍ଠିତ ହୋଇଥିଲା । ଦଶମ ଫଳାଫଳ ମଧ୍ୟ ଶୀଘ୍ର ପ୍ରକାଶ ପାଇବ । ଛାତ୍ରଛାତ୍ରୀମାନଙ୍କୁ ୱେବସାଇଟରେ ନଜର ରଖିବାକୁ ପରାମର୍ଶ ଦିଆଯାଇଛି ।

ରେଜଲ୍ଟ କିପରି ଚେକ୍ କରିପାରିବେ :

ରେଜଲ୍ଟ ଚେକ୍ କରିବାକୁ, ସର୍ବପ୍ରଥମେ ସିବିଏସଇର ଅଫିସିଆଲ୍ ୱେବସାଇଟ୍ results.cbse.nic.in କୁ ଯାଆନ୍ତୁ ।
ୱେବସାଇଟ୍ ର ହୋମପେଜରେ ୨୦୨୨ ରେଜଲ୍ଟର ବିକଳ୍ପକୁ ଯାଆନ୍ତୁ ।
ଏହା ପରେ ସିନିୟର ସ୍କୁଲ୍ ସାର୍ଟିଫିକେଟ୍ କମ୍ପାର୍ଟମେଣ୍ଟ ପରୀକ୍ଷା (କ୍ଲାସ୍ ଦ୍ୱାଦଶ) ଫଳାଫଳ ୨୦୨୨ ର ଲିଙ୍କରେ କ୍ଲିକ୍ କରନ୍ତୁ ।
ବର୍ତ୍ତମାନ ରୋଲ୍ ନମ୍ବର ଓ ସ୍କୁଲ୍ ନମ୍ବର ପରି ସବିଶେଷ ଡିଟେଲ୍ସ ପୂରଣ କରି ପରବର୍ତ୍ତୀ ପୃଷ୍ଠାରେ ଲଗ୍ଇନ୍ କରନ୍ତୁ ।
ଲଗଇନ୍ ପରେ ରେଜଲ୍ଟ ଦେଖି ପାରିବେ ।
ରେଜଲ୍ଟ ଚେକ୍ କରିବା ପରେ ଏକ ପ୍ରିଣ୍ଟ୍ ରଖି ନିଅନ୍ତୁ ।

ଏହି ବର୍ଷ ସିବିଏସଇ ବୋର୍ଡ ଦ୍ୱାଦଶ ଫଳାଫଳ ୨୨ ଜୁଲାଇରେ ପ୍ରକାଶ ପାଇଥିଲା । କୋଭିଡ ୧୯ ଯୋଗୁଁ ପରୀକ୍ଷା ଦୁଇଟି ସର୍ତ୍ତରେ କରାଯାଇଥିଲା । ଚଳିତ ବର୍ଷ ମୋଟ ପଞ୍ଜୀକୃତ ଛାତ୍ର ସଂଖ୍ୟା ୧୪,୪୪,୩୪୧ ଥିଲା । ପରୀକ୍ଷାରେ ଉପସ୍ଥିତ ଛାତ୍ରଛାତ୍ରୀଙ୍କ ସଂଖ୍ୟା ୧୪,୩୫,୩୬୬ ଥିଲା । ଫଳାଫଳ ପରେ, ୧୩,୩୦,୬୬୨ ଛାତ୍ର ପାସ୍ କରିଥିଲେ । ଚଳିତ ବର୍ଷ ମୋଟ ପାସ୍ ପ୍ରତିଶତ ୯୨.୭୧% ଥିଲା । ଏହି ବର୍ଷ ସିବିଏସଇ ଦ୍ୱାଦଶ ପରୀକ୍ଷା ୨ ଟର୍ମରେ କରାଯାଇଥିଲା । ପ୍ରଥମ ଓ ଦ୍ୱିତୀୟ ପର୍ଯ୍ୟାୟ ପରୀକ୍ଷାରେ ପ୍ରାୟ ୧୬ ଲକ୍ଷ ଛାତ୍ରଛାତ୍ରୀ ଉପସ୍ଥିତ ଥିଲେ । ଦ୍ୱିତୀୟ ଟର୍ମ ପରୀକ୍ଷା ୨୬ ଏପ୍ରିଲ ୨୦୨୨ ରୁ ୧୫ ଜୁନ ୨୦୨୨ ଅଫଲାଇନ ମୋଡରେ କରାଯାଇଥିଲା ।