କେଜ୍ରିୱାଲଙ୍କୁ ବଡ଼ ଦାୟିତ୍ୱ : ଆପର ରାଷ୍ଟ୍ରୀୟ ସଂଯୋଜକ ଭାବେ ନିର୍ବାଚିତ

• ପଙ୍କଜ ଗୁପ୍ତାଙ୍କୁ ପାର୍ଟି ସଚିବ ଓ ଏନଡି ଗୁପ୍ତା ହେଲେ କୋଷାଧ୍ୟକ୍ଷ

ନୂଆଦିଲ୍ଲୀ : ଆମ୍ ଆଦମୀ ପାର୍ଟି (ଆପ) ର ରାଷ୍ଟ୍ରୀୟ କାର୍ଯ୍ୟକାରିଣୀ ବୈଠକ ରବିବାର ଅନୁଷ୍ଠିତ ହୋଇଯାଇଛି । ଏହି ବୈଠକରେ ତୃତୀୟ ଥର ପାଇଁ ଦିଲ୍ଲୀର ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ପାର୍ଟିର ରାଷ୍ଟ୍ରୀୟ ସଂଯୋଜକ ଭାବେ ନିର୍ବାଚିତ କରାଯାଇଥିବା ବେଳେ ପଙ୍କଜ ଗୁପ୍ତାଙ୍କୁ ପାର୍ଟିର ସଚିବ ଓ ରାଜ୍ୟସଭା ସାଂସଦ ଏନଡି ଗୁପ୍ତାଙ୍କୁ କୋଷାଧ୍ୟକ୍ଷ ପଦ ମିଳିଛି । ଏହି ୩ ଜଣ ପଦାଧିକାରୀଙ୍କ କାର୍ଯ୍ୟକାଳ ୫ ବର୍ଷ ରହିବ ।

ସୂଚନା ଯେ, ଚଳିତ ବର୍ଷ ପ୍ରାରମ୍ଭରେ ଆପ୍ ତରଫରୁ ପାର୍ଟି ସମ୍ବିଧାନରେ କିଛି ପରିବର୍ତ୍ତନ କରାଯାଇଥିଲା । ପ୍ରଥମରୁ ଦଳର କୌଣସି ପଦରେ ଜଣେ ଅଧିକାରୀ ୩ ବର୍ଷରୁ ଅଧିକ ରହିପାରିବେ ନାହିଁ ବୋଲି ଆଇନ ଥିବା ବେଳେ ଏବେ ତାହାକୁ ବଦଳାଇ ୫ ବର୍ଷ କରାଯାଇଛି । ଆଗାମୀ ବର୍ଷ ୟୁପି ସମେତ ଅନ୍ୟ କିଛି ରାଜ୍ୟରେ ବିଧାନସଭା ନିର୍ବାଚନ ହେବାକୁ ଯାଉଛି । ଏହାକୁ ନଜରରେ ରଖି ଅରବିନ୍ଦ କେଜ୍ରିୱାଲଙ୍କୁ ପୁଣିଥରେ ଦଳର ରାଷ୍ଟ୍ରୀୟ ସଂଯୋଜକ ଭାବେ ନିର୍ବାଚିତ କରାଯାଇଛି ।