ଉତର ବିହାରରେ ବନ୍ୟା ବିଭିଷୀକା, ୧୦ଟି ନଦୀରେ ଅଧିକ ପାଣି
- ମୁଜାଫରପୁରର ଆବାସିକ ଅଂଚଳରେ ମଧ୍ୟ ପାଣି ପ୍ରବେଶ
- ଦରଭଙ୍ଗା-ସମସ୍ତିପୁର ରେଳ ବିଭାଗ ବନ୍ଦ
ପାଟନା : ଉତର ବିହାରରେ ପୁଣି ଥରେ ବନ୍ୟା ଯୋଗୁଁ ବିଭିଷୀକା ସୃଷ୍ଟି ହୋଇଛି । ପଶ୍ଚିମ ଚମ୍ପାରନ ଠାରୁ ସାହାରା-ସୁପାଲ ଜିଲ୍ଲା ପର୍ଯ୍ୟନ୍ତ ଲୋକମାନେ ବନ୍ୟା ପରିସ୍ଥିତିରେ ଉବୁଟୁବୁ । ଦଶଟି ନଦୀ ପୂର୍ଣ୍ଣ ଅବସ୍ଥାରେ ଅଛି । ଉତର ବିହାର ସହିତ କୋସି ଅଂଚଳରେ ମଧ୍ୟ ବନ୍ୟା ପରିସ୍ଥିତି ଆହୁରି ଗମ୍ଭୀର ହୋଇଛି । ସୁପାଲରେ ଯେଉଁଠାରେ କୁଟ ଏବଂ ଡଙ୍ଗା ନିର୍ମାଣ କରାଯାଇଛି, ସେଠାରେ ମଧ୍ୟ ମୁଜାଫରପୁରର ଆବାସିକ ଅଂଚଳରେ ଜଳ ପ୍ରବେଶ କରିଛି । ସମସ୍ତିରପୁର ରେଲୱେ ଡିଭିଜନର ଦରଭଙ୍ଗା-ସମସ୍ତିପୁର ବିଭାଗରେ ପାଣି ପଶିବା କାରଣରୁ ମଙ୍ଗଳବାର ଅପରାହ୍ନରୁ ଟ୍ରେନ୍ ଚଳାଚଳ ବନ୍ଦ ହୋଇଯାଇଛି ।
ନେପାଳରୁ ବାହାରିଥିବା ଅଧିକାଂଶ ପ୍ରମୁଖ ନଦୀଗୁଡ଼ିକ ବିପଦ ସଂକେତ ଉପରେ ପ୍ରବାହିତ ହେଉଛି । ଗଣ୍ଡକ ରୁ ପାଣି ଡିସଚାର୍ଜ ବୃଦ୍ଧି ପାଇଛି । ନେପାରୁ ବିହାର ପର୍ଯ୍ୟନ୍ତ ଏହି ନଦୀ ମାଧ୍ୟମରେ ବାଲ୍ମିକୀନରଗ ବ୍ୟାରେଜରେ ସକାଳ ପର୍ଯ୍ୟନ୍ତ ପାଖାପାଖି ୪ ଲକ୍ଷ କ୍ୟୁସେକ ପାଣି ଛଡ଼ାଯାଇଛି । ରାଜ୍ୟରେ ସମୁଦାୟ ୧୦ଟ ପ୍ରମୁଖ ନଦୀ ବିପଦ ସଂକେତ ଉପରେ ପ୍ରବାହିତ ହେଉଛି । କୋସିର ବରାହ ଅଂଳଚରେ ଏକ ଲକ୍ଷ ୭୮୭ ହଜାର କ୍ୟୁସେକ ପାଣି ଏବଂ ବ୍ୟାରେଜରେ ଦୁଇ ଲକ୍ଷ ୩୮ ହଜାର କ୍ୟୁସେକ ପାଣି ଆସୁଛି । ଅନ୍ୟପକ୍ଷରେ ଗଙ୍ଗା ପୁଣି ଥରେ ବକ୍ସର ରୁ ଭାଗଲପୁର ପର୍ଯ୍ୟନ୍ତ ବଢ଼ିବାରେ ଲାଗିଛି । ତେବେ ପାଟଣାରେ ହାତୀଦହ ଏବଂ ଭାଗଲପୁରରେ କହଲଗାଓଁ କୁ ଛାଡ଼ି ସମସ୍ତ ସ୍ଥାନ ବିପଦ ସଂକେତ ତଳେ ରହିଛି । କୋସି ଏବଂ ଗଂଣ୍ଡକରେ ଡିସଚାର୍ଜ ବଢ଼ିବା ସହିତ ଏହି ଦୁଇ ନଦୀର ଜଳସ୍ତର ମଧ୍ୟ ବିପଦ ସଂକେତ ଉପରେ । କୋସି ଖଗଡ଼ିଆ ରେ ବିପଦ ସଂକେତର ଦୁଇମିଟର ଉପରେ ପ୍ରବାହିତ ହେଉଛି । କଟିହାର ରେ ଏହି ନଦୀ ବିପଦସଂକେତର ୭୦ ସେ.ମି. ଉପରେ ପ୍ରବାହିତ ହେଉଛି । ଗଣ୍ଡକ ମଧ୍ୟ ଗୋପାଳଗଂଜ ରେ ୧୪୨ ଏବଂ ମୁଜାଫରପୁରରେ ୫୪ ସେ.ମି. ଉପରେ ରହିଛି । ଏହି ଜିଲ୍ଲା ଗୁଡ଼ିକରେ ଏବେଠାରୁ ବୃଦ୍ଧି ପାଇବାରେ ଲାଗିଛି ।
